Gürcüstanda inflyasiya hesabatı
Gürcüstanın Milli Statistika Xidməti inflyasiya hesabatı yayıb. Novator.az bildirir ki, rəsmi açıqlamaya görə, avqustda ölkənin istehlak bazarında qiymətlər 2024-cü ilin eyni ayı ilə müqayisədə 4,6 faiz artıb, ərzaq və spirtsiz içkilər 10 faiz, səhiyyə xidmətləri 9,3 faiz, mehmanxana və ictimai iaşə xidmətləri 6,8 faiz, spirtli içkilər və tütün məmulatları 4,7 faiz, təhsil sahəsi 4,6 faiz, kommunal xidmətlər 0,8 faiz, rabitə 0,2 faiz bahalaşıb.
Geyim və ayaqqabıların 2,9 faiz, nəqliyyatın 2,4 faiz, mebel və məişət əşyalarının 1,4 faiz, istirahət və mədəniyyət xidmətlərinin 0,2 faiz ucuzlaşdığı qeyd olunur.
Mənbə: Geostat.ge
