Gəlir 26 milyard, xərc 23 milyard manatı ötür
Azərbaycanın 2025-ci il büdcəsində 38 milyard 356 milyon manat gəlir, 41 milyard 407,6 milyon manat xərc nəzərdə tutulub. Maliyyə Nazirliyinin hesabatına görə, yanvar-avqust aylarında dövlət büdcəsi 26 milyard 359,4 milyon manat gəlir əldə edib. Mənbələr belə sıralanır: Dövlət Vergi Xidməti üzrə daxilolmalar – 11 milyard 561,1 milyon manat, Dövlət Neft Fondundan köçürmə – 9 milyard 654 milyon manat, Dövlət Gömrük Komitəsi üzrə daxilolmalar – 4 milyard 160,6 milyon manat, büdcə təşkilatlarının ödənişli xidmətlərindən daxilolmalar – 424,7 milyon manat, Əmlak Məsələləri Dövlət Xidməti üzrə daxilolmalar – 30,3 milyon manat, sair daxilolmalar – 528,7 milyon manat.
Dövlət büdcəsinin səkkiz aylıq xərcləri 23 milyard 725,9 milyon manat göstərilir.
