Problemli kreditlər 80,3 milyon manat artıb
Mərkəzi Bankın statistik bülleteninə görə, avqustun 1-nə Azərbaycanda ödəniş vaxtı keçmiş kreditlər 529,4 milyon manata çatıb. Problemli kreditlər 2025-ci ilə 449,1 milyon manatla başlayıb, yeddi ayda 80,3 milyon manat artım qeydə alınıb.
Hesabatda bildirilir ki, avqustun 1-nə 22 bankın cəmi aktivləri 55,7 milyard manatı, cəmi öhdəlikləri 48,6 milyard manatı ötüb, ölkədə 28,5 milyard manata yaxın kredit, 15,4 milyard manatdan çox əmanət rəsmiləşib.
Qeyd olunur ki, Bakıda 21,7 milyard manatdan çox kredit verilib. Başqa bölgələr belə sıralanır: Abşeron-Xızı – 1 milyard 152 milyon manat, Gəncə-Daşkəsən – 849,5 milyon manat, Lənkəran-Astara – 671,6 milyon manat, Mərkəzi Aran – 580,2 milyon manat, Qazax-Tovuz – 539 milyon manat, Şəki-Zaqatala – 521 milyon manat, Qarabağ – 509,5 milyon manat, Quba-Xaçmaz – 487,6 milyon manat, Naxçıvan – 467,4 milyon manat, Şirvan-Salyan – 453,8 milyon manat, Mil-Muğan – 312,5 milyon manat, Dağlıq Şirvan – 197,7 milyon manat, Şərqi Zəngəzur – 12,9 milyon manat.
Bakıda 13,6 milyard manatdan çox əmanət qoyulub. Qalan bölgələrin göstəriciləri belədir: Abşeron-Xızı – 572,9 milyon manat, Gəncə-Daşkəsən – 251,6 milyon manat, Quba-Xaçmaz – 151,4 milyon manat, Lənkəran-Astara – 141,9 milyon manat, Şəki-Zaqatala – 135,7 milyon manat, Mərkəzi Aran – 129,3 milyon manat, Qazax-Tovuz – 122,4 milyon manat, Qarabağ – 95,8 milyon manat, Naxçıvan – 77,7 milyon manat, Şirvan-Salyan – 74,8 milyon manat, Dağlıq Şirvan – 48,1 milyon manat, Mil-Muğan – 46,5 milyon manat, Şərqi Zəngəzur – 778 min manat.
