Litva: yeni baş nazirə yaşıl işıq
Avqustun 26-da Litva parlamenti prezident Gitanas Nausedanın təqdimatını nəzərə alaraq Sosial Demokrat Partiyasının üzvü İnqa Ruginenenin baş nazir təyin olunmasına razılaşıb. Onu 78 deputat dəstəkləyib.
Novator.az bildirir ki, 1981-ci il təvəllüdlü İnqa Ruginene tibb üzrə ali təhsil alıb, ictimai sektorda fəaliyyəti ilə tanınıb, 2024-cü ildə parlamentin deputatı seçilib. O, əvvəlki hökumətdə əmək və sosial müdafiə naziri postunu tuturdu.
Yeni hökuməti Sosial Demokrat Partiyası, Neman Şəfəqi Partiyası, Kəndlilər və Yaşıllar İttifaqı qurur.
Litvada hökumət 141 yerlik parlamentə seçkinin nəticələri əsasında formalaşır. 2024-cü ilin oktyabrında keçirilmiş parlament seçkisində qalib gələn Sosial Demokrat Partiyası Neman Şəfəqi Partiyası və Demokratların Litva Uğrunda İttifaqı ilə koalisiyaya girib, dekabrda Gintautas Palutskas baş nazir kürsüsünə oturub.
Adı korrupsiya qalmaqallarında hallandığına görə Gintautas Palutskas iyulun 31-də istefa verib, həmçinin Sosial Demokrat Partiyasının sədrliyindən gedib, hökumət dağılıb.
Mənbə: Reuters.com
