Gürcüstanda işsizlik: il, illər
2025-ci il iyulun 1-nə Gürcüstanda əmək qabiliyyətli əhalinin (azı 15 yaşı olan şəxslərin) 14,3 faizi işsiz kimi rəsmiləşib. Novator.az-ın məlumatına görə, hesabatı yayan Milli Statistika Xidməti bildirir ki, işsizlərin sayı 2024-cü ilin eyni dövrü ilə müqayisədə 3,6 faiz artaraq 227,6 min nəfərə çatıb.
Ölkədə son bir həftədə işi və qazancı olmamış, son dörd həftədə iş axtarmış, yaxın iki həftədə işə başlamağa hazır olan şəxs işsiz sayılır.
2021-ci ildə işsizlik səviyyəsi 20,6 faiz, 2022-ci ildə 17,3 faiz, 2023-cü ildə 16,4 faiz, 2024-cü ildə 13,9 faiz göstərilib.
Azərbaycanın Dövlət Statistika Komitəsi 2025-ci il avqustun 1-nə iqtisadi fəal əhalinin 231,3 min nəfərinin işsiz kimi qeydiyyata düşdüyünü bəyan edib.
Mənbə: Geostat.ge
