“Avroviziya” günləri
“Avroviziya 2026” beynəlxalq mahnı müsabiqəsinin ev sahibi və günləri açıqlanıb. Yarış Avstriyanın paytaxtı Vyanada keçiriləcək. Birinci yarımfinal mayın 12-nə, ikinci yarımfinal 14-nə, final 16-na təyin olunub.
Novator.az bildirir ki, 2025-ci il avqustun 20-dək 20 ölkə müsabiqədə iştirakını təsdiqləyib: Albaniya, Almaniya, Avstriya, Azərbaycan, Böyük Britaniya, Danimarka, Finlandiya, İspaniya, İsrail, İsveç, İsveçrə, Kipr, Latviya, Litva, Lüksemburq, Malta, Niderland, Norveç, Serbiya, Yunanıstan.
İctimai teleradioları cəmləyən Avropa Yayım Birliyinin layihəsi olan “Avroviziya” müsabiqəsində 1956-cı ildən başlayaraq İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Avstriya, Norveç və Ukrayna 3, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
Mənbə: Eurovision.tv
