Ukrayna: idxal ixracı 18,5 milyard üstələyir
Ukraynanın Dövlət Statistika Xidməti xarici ticarət hesabatı yayıb. Novator.az bildirir ki, rəsmi açıqlamaya görə, 2025-ci ilin ilk yarısında 221 ölkə ilə ticarət əməliyyatı aparılıb, 20 milyard 44,9 milyon dollarlıq ixrac, 38 milyard 557,1 milyon dollarlıq idxal qeydə alınıb, dövriyyədə mənfi saldo 18,5 milyard dolları ötüb.
2024-cü ilin yanvar-iyun ayları ilə müqayisədə ixracın 4,2 faiz azaldığı, idxalın 15,6 faiz artdığı xəbər verilir.
Ukrayna 12-ci ildir müharibə alovundadır. 2014-cü ildə Rusiya ölkənin Krım yarımadasını tam, Donetsk və Luqansk vilayətlərini qismən işğal edib, 2022-ci ildən total hərbi əməliyyatlarla Donetsk və Luqansk bölgələrində yeni ərazilər tutub, eləcə də Zaporojye, Xerson, Xarkov, Sumı, Dneprepetrovsk vilayətlərinin bir hissəsini ələ keçirib. İşğalçı savaş ölkənin hər yanına havadan hücumlarla da müşayiət olunur.
Mənbə: Stat.gov.ua
