UEFA superkubokunun qalibləri
UEFA superkubokunu almış komandaların siyahısı yenilənib.
“Real” (Madrid) turnirdən 6, “Milan” və “Barselona” 5, “Liverpul” 4, “Atletiko” 3 dəfə qalib çıxıb.
“Ayaks”, “Anderlext”, “Valensiya”, “Yuventus”, “Çelsi” və “Bavariya” 2 qələbə əldə edib.
“Dinamo” (Kiyev), “Nottingem Forest”, “Aston Villa”, “Aberdin”, “Styaua”, “Portu”, “Mexelen”, “Mançester Yunayted”, “Parma”, “Latsio”, “Qalatasaray”, “Sevilya”, “Zenit” (Sankt-Peterburq), “Mançester Siti” və PSJ superkuboku 1 dəfə qazanıblar.
Superkubok 1972-ci ildə Çempionlar kuboku və Kuboklar kuboku sahiblərinin qarşılaşması kimi təsis olunub.
1955-ci ildə yaradılan Çempionlar kuboku turniri 1992-ci ildən Çempionlar Liqası adlanır.
1960-cı ildən keçirilən Kuboklar kuboku turniri 1999-cu ildə ləğv edilib, superkubok Çempionlar Liqası və UEFA kuboku sahiblərinin yarışı statusu alıb.
2009-cu ildə UEFA kubokunun bazasında Avropa Liqası turniri qurulub.
