Rusiyanın neft-qaz gəliri 27 faiz azalıb
İyulda Rusiyanın neftə bağlı vergi daxilolmaları 2024-cü ilin eyni ayı ilə müqayisədə 33 faiz azalıb. Hesablamanı ölkənin Maliyyə Nazirliyinin göstəriciləri əsasında “Blumberq” agentliyi aparıb. Novator.az bildirir ki, hesablamaya görə, Rusiyanın neft-qaz gəlirləri ötən ilin iyul ayına nəzərən 27 faiz azalaraq 787 milyard rubldan bir az çox olub.
Təhlilə əsasən, bir barrel “Urals” markalı Rusiya neftinin orta qiyməti iyunda 59,84 dollar həddində rəsmiləşib, bu da ötən ilin eyni dövrünə nisbətən 14 faiz aşağı qiymətdir.
Neft şirkətlərinin bir barrel neftdən gəlirlərinin 6,1 min rubldan 4,7 min rubla düşdüyü vurğulanır.
Mənbə: Bloomberg.com
