Litvada müvəqqəti hökumət
Litvada baş nazir səlahiyyətlərinin icrası maliyyə naziri Rimantas Şadcyusa həvalə olunub. 2024-cü ilin dekabrından baş nazir olan Gintautas Palutskas iyulun 31-də istefa verib, həmçinin hakim Sosial Demokrat Partiyasının sədrliyindən getdiyini açıqlayıb. Novator.az-ın məlumatına görə, avqustun 4-də prezident Gitanas Nauseda istefanı qəbul edib, bununla yeni hökumətin qurulmasının yolu açılıb.
Gintautas Palutskasın adı korrupsiya qalmaqallarında hallanır.
Yarı prezident idarə üsullu ölkə olan Litvada hökumət 141 yerlik parlamentə seçkinin nəticələri əsasında formalaşır. 2024-cü ilin oktyabrında keçirilmiş seçkidən sonra Sosial Demokrat Partiyası Neman Şəfəqi Partiyası və Demokratların Litva Uğrunda İttifaqı ilə koalisiyaya girib. Yeni hökumət də Sosial Demokrat Partiyasının liderliyi ilə qurulacaq. Baş nazir kürsüsünə dörd şəxsin şanslı olduğu bildirilir.
