Xarici borcun detalları
Maliyyə Nazirliyi Azərbaycanın xarici dövlət borcu üzrə açıqlama yayıb. Rəsmi məlumata görə, iyulun 1-nə 5 milyard 10,7 milyon ABŞ dolları məbləğində xarici borc qeydə alınıb. Bu, 2025-ci ilin əvvəli ilə müqayisədə 119 milyon dollar (2,4 faiz) azdır.
Borcun valyuta tərkibində ABŞ dolları 85,1 faizlə üstündür, ümumi borcun 49,9 faizi 5 ilə qədər, 44,1 faizi 5 ildən 10 ilə qədər, 6 faizi 10 ildən yuxarı olan müddətdə qaytarılmalıdır.
Rəsmi statistika xarici borcu 2011-ci ilə 3 milyard 857,3 milyon dollar, 2012-ci ilə 4 milyard 816,7 milyon dollar, 2013-cü ilə 5 milyard 708,4 milyon dollar, 2014-cü ilə 6 milyard 58,9 milyon dollar, 2015-ci ilə 6 milyard 478,2 milyon dollar, 2016-cı ilə 6 milyard 894,3 milyon dollar, 2017-ci ilə 6 milyard 913,2 milyon dollar, 2018-ci ilə 9 milyard 398,3 milyon dollar, 2019-cu ilə 8 milyard 927 milyon dollar, 2020-ci ilə 8 milyard 320 milyon dollar, 2021-ci ilə 8 milyard 100,4 milyon dollar, 2022-ci ilə 7 milyard 393,4 milyon dollar, 2023-cü ilə 6 milyard 693,2 milyon dollar, 2024-cü ilə 6 milyard 461,2 milyon dollar göstərib.
