Ukrayna: savaşa 60 yaş+ qaydası gəlir
Ukrayna prezidenti Vladimir Zelenski 60 və daha yuxarı yaşlı şəxslərlə hərbi xidmət müqaviləsi bağlamağı nəzərdə tutan qanunu imzalayıb. Novator.az bildirir ki, iyulun 29-da rəsmiləşən qanuna görə, 60 və daha yuxarı şəxslər Ukrayna Silahlı Qüvvələri ilə birillik hərbi xidmət müqaviləsi bağlaya biləcək, bu zaman onlara iki aylıq sınaq müddəti təyin olunacaq.
Əsgər, serjant, starşina heyətinə qəbul üçün hərbi hissə komandirinin razılığı kifayətdir, zabit heyətinə qəbul üçün isə Silahlı Qüvvələrin Baş Qərargahının razılığı gərəkdir.
Rusiya 2014-cü ildən Ukraynada işğalçı müharibə aparır, tam tutduğu Krım yarımadasını, qismən nəzarət etdiyi Donetsk, Luqansk, Zaporojye və Xerson vilayətlərini özünə birləşdirdiyini açıqlayıb, başqa bölgələrin də bir hissəsini ələ keçirib.
