Gürcüstanda nə qədər pensiyaçı var?
2025-ci ilin yanvar-may aylarında Gürcüstanda pensiyaçıların sayı 10,1 min nəfər artıb. Novator.az-ın məlumatına görə, hesabatı yayan Səhiyyə Nazirliyinin Sosial Xidmət Agentliyi iyunun 1-nə pensiyaçıların sayını 875 min nəfər göstərib. Pensiyaçıların 12,4 min nəfərinin 90 yaşı ötmüş şəxslər olduğu bildirilir.
Gürcüstanda qadınlar 60, kişilər 65 yaşda pensiyaya çıxır. Minimum pensiya 70 yaşa qədər şəxslər üçün 350 lari, 70 və daha yuxarı yaşlı şəxslər üçün 450 laridir. Yüksək dağlıq bölgələrdə 70 yaşa qədər şəxslər azı 420 lari, 70 və daha yuxarı yaşlı şəxslər 540 lari pensiya alır.
100 Gürcüstan larisi 63 manata yaxındır.
