Mehmanxana biznesinin yarım ili
2025-ci ilin ilk yarısında Azərbaycanın mehmanxana biznesi 290 milyon manat gəlir əldə edib, bunun 60,4 faizi otaqların təqdim olunması xidmətlərinin, 27,5 faizi ictimai iaşə xidmətlərinin, 3,2 faizi müalicə və sağlamlıq xidmətlərinin, 8,9 faizi başqa xidmətlərin payına düşüb. Dövlət Statistika Komitəsi bildirir ki, yanvar-iyun aylarında mehmanxanalarda 1 milyon 970,7 min gecələmə keçirilib.
Hesabata görə, gecələmələrin 62,6 faizi Bakıda, 6,4 faizi Qusarda, 4,9 faizi Naftalanda, 4,4 faizi Qəbələdə, 3,2 faizi Şabranda, 3 faizi Qubada, 2,6 faizi Lənkəranda, 1,4 faizi Şamaxıda, qalanı başqa şəhər və rayonlarda qeydə alınıb.
