Fransadan Fələstin səsi
Fransa prezidenti Emmanuel Makron ölkəsinin Fələstini müstəqil dövlət kimi tanıyacağını bəyan edib. Qərarın sentyabr ayında, BMT Baş Məclisinin sessiyası zamanı verilməsi gözlənir.
Emmanuel Makronun bəyanatı Fələstinlə daimi savaşda olan İsrailin kəskin etirazına gətirib. İsrailin əsas müttəfiqi ABŞ da Emmanuel Makronu sərt şəkildə qınayıb.
Novator.az bildirir ki, 1947-ci ildə BMT Fələstin torpaqlarının bölünərək ərazidə İsrail və Fələstin dövlətlərinin qurulmasına qərar verib. 1948-ci ildə yaradılan İsrail 1949-cu ildə BMT-yə qəbul edilib. Fələstin 1988-ci ildə müstəqil dövlət elan olunub, 2012-ci ildə BMT-də müşahidəçi statusu alıb.
BMT-nin Fələstinə ayırdığı ərazilərin xeyli hissəsi İsrailin işğalındadır. 2023-cü il oktyabrın 7-də Fələstinin Qəzza bölgəsindən İsrail ərazilərinə hərbi müdaxilə olub, ardınca böyük savaş başlayıb. Savaş Fələstin Dövlətinin tanınması məsələsini də gündəmə gətirib.
Hazırda BMT-nin 147 üzvü Fələstinin müstəqilliyini tanıyır. İndiyəcən bu addımı atmayan ölkələr arasında Fransa ilə yanaşı ABŞ, Kanada, Panama, Puerto Riko, Kamerun, Eritreya, Portuqaliya, Böyük Britaniya, Belçika, Niderland, Lüksemburq, Andorra, Monako, Danimarka, Almaniya, İsveçrə, Avstriya, Lixtenşteyn, İtaliya, San Marino, Malta, Xorvatiya, Kosovo, Şimali Makedoniya, Yunanıstan, Finlandiya, Estoniya, Latviya, Litva, Moldova, Myanma, Cənubi Koreya, Yaponiya, Avstraliya, Yeni Zelandiya da var.
1945-ci ildə yaradılan BMT 193 ölkəni bir araya gətirir.
Mənbə: Wikipedia.org
