Tbilisidə ev neçəyədir?
Gürcüstanın Milli Statistika Xidməti paytaxt Tbilisinin ilkin mənzil bazarı ilə bağlı hesabat yayıb. Novator.az-ın məlumatına görə, rəsmi bilgidə qeyd olunur ki, aprel-iyun aylarında yeni mənzillər 2024-cü ilin ikinci rübü ilə müqayisədə 5,4 faiz bahalaşıb. Çoxmərtəbəli binalarda mənzillərin qiymətinin 10,9 faiz, şəxsi evlərin qiymətinin 13,5 faiz yüksəldiyi vurğulanır.
Hesabata əsasən, 2020-ci ilin orta göstəricisinə nəzərən Tbilisidə mənzillər 56,1 faiz dəyər artırıb.
Ən bahalı mənzilin kvadratmetrinin yeni binalarda 6624 lariyə (4,1 min manat), şəxsi evlərdə 4462 lariyə (2,8 min manat) təklif olunduğu xəbər verilir.
Mənbə: Geostat.ge
