Yaponiya hökuməti silkələnir
Yaponiyanın baş naziri Siqeru İsiba istefaya hazırlaşır. Xəbəri yayan “Mainichi Daily” qəzetinin iddiasına görə, siyasətçi liderlik etdiyi Liberal Demokrat Partiyasının və hakim koalisiyaya daxil olan Komeyto Partiyasının parlament çoxluğunu itirməsindən narahatdır.
Novator.az bildirir ki, parlamentin 250 nəfərlik yuxarı palatasının yarı hissəsinə iyulun 20-də keçirilmiş seçkidən sonra hakim koalisiyanın 121, müxalifətin 125 mandatı var.
2024-cü il oktyabrın 27-də formalaşmış 465 nəfərlik aşağı palatada da durum oxşardır: koalisiya 220, müxalif qüvvələr 241 mandatla təmsil olunur.
Konstitusiyalı monarxiya olan Yaponiyada hökumət parlamentdəki qüvvələr nisbəti əsasında qurulur.
2019-cu ildən Naruhito imperatorluq edir.
Siqeru İsiba 2024-cü il oktyabrın 1-dən baş nazirdir.
Mənbə: France24.com
