“Avroviziya 2026”: ilkin siyahı açıqlanıb
Avstriyada keçiriləcək “Avroviziya 2026” beynəlxalq mahnı müsabiqəsində iştirakını təsdiqləyən ölkələrin siyahısı açıqlanıb. Novator.az bildirir ki, ev sahibi ilə yanaşı 16 ölkə yarışa qatılmağa razılıq verib: Albaniya, Almaniya, Böyük Britaniya, Danimarka, Finlandiya, İspaniya, İsrail, İsveç, İsveçrə, Litva, Lüksemburq, Malta, Niderland, Norveç, Serbiya, Yunanıstan.
İctimai teleradioları cəmləyən Avropa Yayım Birliyinin layihəsi olan “Avroviziya” müsabiqəsində 1956-cı ildən başlayaraq İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Avstriya, Norveç və Ukrayna 3, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
1969-cu ildə qələbə dörd ölkəyə (Böyük Britaniya, Fransa, İspaniya və Niderland) verilib, buna görə 69 dəfə keçirilmiş yarışın 72 qalibi var.
Azərbaycan 17 yarışa qatılıb, 2008 və 2019-cu illərdə 8-ci yeri, 2009-cu ildə 3-cü yeri, 2010-cu ildə 5-ci yeri, 2011-ci ildə 1-ci yeri, 2012-ci ildə 4-cü yeri, 2013-cü ildə 2-ci yeri, 2014-cü ildə 22-ci yeri, 2015-ci ildə 12-ci yeri, 2016-cı ildə 17-ci yeri, 2017-ci ildə 14-cü yeri, 2021-ci ildə 20-ci yeri, 2022-ci ildə 16-cı yeri tutub, 2018, 2023, 2024 və 2025-ci illərdə yarımfinalda ələnib.
Mənbə: Wikipedia.org
