Gürcüstana pul köçürmələri: yeni hesabat
Gürcüstanın Milli Bankı pul köçürmələri hesabatı yayıb. Novator.az-ın məlumatına görə, açıqlamada qeyd olunur ki, yanvar-iyun aylarında ölkənin bankları xaricdən 1 milyard 715,1 milyon ABŞ dolları məbləğində vəsait qəbul edib, 2024-cü ilin ilk yarısı ilə müqayisədə 3,6 faiz artım rəsmiləşib.
Statistika Gürcüstana pul köçürmələrinin ünvanları siyahısında ABŞ, İtaliya, Rusiya, Almaniya və Yunanıstanı ilk beşlikdə göstərir. 2024-cü ilin ilk yarısına nəzərən ABŞ-dan köçürmələrin 21,5 faiz, Almaniyadan köçürmələrin 19,3 faiz, Yunanıstandan köçürmələrin 10,6 faiz, İtaliyadan köçürmələrin 7,7 faiz artdığı, Rusiyadan köçürmələrin 33,6 faiz azaldığı xəbər verilir.
Hesabata əsasən, yarım ildə Gürcüstandan xaricə 190,5 milyon ABŞ dolları məbləğində vəsait köçürülüb, bu da ötən ilin eyni dövrü ilə müqayisədə 9,7 faiz çoxdur.
Mənbə: Nbg.gov.ge
