Naxçıvanın makroiqtisadi göstəriciləri
2025-ci il iyunun 1-nə Naxçıvan Muxtar Respublikasında orta aylıq nominal əməkhaqqı 812,1 manat həddində rəsmiləşib. Hesabatı yayan yerli Dövlət Statistika Komitəsi bildirir ki, yanvar-iyun aylarında ümumi daxili məhsul (ÜDM) istehsalı 2024-cü ilin ilk yarısı ilə müqayisədə 4,5 faiz artıb, adambaşına 1612 ÜDM düşüb.
Sənayedə artım 9,1 faiz, sərmayədə 40,5 faiz, kənd təsərrüfatında 0,6 faiz, nəqliyyatla daşınmalarda 1 faiz, informasiya və rabitə xidmətlərinin dəyərində 15,5 faiz, pərakəndə ticarət dövriyyəsində 3,5 faiz, ödənişli xidmətlərin dəyərində 6,7 faiz göstərilir.
Xarici ticarət dövriyyəsinin 12,6 faiz, idxalın 15 faiz azaldığı, ixracın 16 faiz artdığı xəbər verilir.
Açıqlamaya görə, iyunun 1-nə əhalinin banklardakı əmanətlərinin məbləği bir il öncəyə nəzərən 53,9 faiz artıb.
