Ermənistanın istehlak bazarı eniş və yoxuşda
İyunda Ermənistanın istehlak bazarı 2024-cü ilin eyni ayına nəzərən 3,9 faiz bahalaşıb. Geyim və ayaqqabıların 2 faiz, rabitə xidmətlərinin 0,5 faiz, məişət avadanlıqlarının 0,2 faiz ucuzlaşdığı xəbər verilir.
Novator.az Armstat.am portalına istinadla bildirir ki, Statistika Komitəsi ərzaq və spirtsiz içkilərdə, eləcə də spirtli içkilər və tütün məmulatlarında qiymət artımını 6,2 faiz göstərir.
Hesabata əsasən, təhsil sahəsində qiymətlər 7,8 faiz, nəqliyyat xidmətlərində 6 faiz, səhiyyə sektorunda 3,6 faiz, ictimai iaşə və mehmanxana xidmətlərində 2,3 faiz, kommunal xidmətlərdə, həmçinin istirahət və mədəniyyət xidmətlərində 1,2 faiz yüksəlib.
