Klub turnirlərində yenilənmiş sxem
2025-2026 mövsümündə UEFA-nın klub turnirlərinə 237 komanda buraxılmışdı. UEFA Slovakiya və İrlandiyanın hərəyə bir komandasını yarışlardan kənar etdiyinə görə Çempionlar Liqasında 82, Avropa Liqasında 45, Konfrans Liqasında 108 komanda start götürəcək.
Reqlamentə əsasən, Çempionlar Liqasının birinci mərhələsində ələnənlər Konfrans Liqasına, sonrakı mərhələlərində ələnənlər Avropa Liqasına, Avropa Liqası təsnifatlarında ələnənlər Konfrans Liqasına köçür. Hər üç turnirin liqa mərhələsində 36 komandanın iştirakı nəzərdə tutulur, 9-24-cü yerləri tutanlar 1/16 finala, ilk 8 pilləni tutanlar 1/8 finala çıxır.
Mövsümün startı 2025-ci il iyulun 8-nə, Avropa Liqasının finalı 2026-cı il mayın 20-nə (İstanbul), Konfrans Liqasının finalı mayın 27-nə (Leypsiq), Çempionlar Liqasının finalı mayın 30-na (Budapeşt) təyin olunub.
Azərbaycanı 4 komanda təmsil edəcək: “Qarabağ” Çempionlar Liqasında, “Sabah” Avropa Liqasında, “Zirə” və “Araz-Naxçıvan” Konfrans Liqasında yer alır.
