UEFA-nın klub reytinqi
2025-2026 mövsümü ərəfəsində UEFA-nın klub reytinqinə İngiltərə başçılıq edir. İlk beşlikdə İtaliya, İspaniya, Almaniya və Fransa da yer alır.
Azərbaycan 55 UEFA üzvü arasında 29-cudur. Türkiyə 9-cu, Rusiya 26-cı, Ukrayna 28-ci, Moldova 31-ci, Ermənistan 34-cü, Latviya 35-ci, Qazaxıstan 39-cu, Litva 43-cü, Estoniya 44-cü, Gürcüstan 50-ci, Belarus 52-ci pillədədir.
Reytinq klub turnirlərinin son beş mövsümündə qazanılan əmsallara əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Liqa mərhələsindən başlayaraq finala qədər bonus xalları da var. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Yeni mövsümdə Çempionlar Liqasına 82, Avropa Liqasına 45, Konfrans Liqasına 109 komanda buraxılıb. Rusiya turnirlərdən kənardır.
