Liqalar: 82+45+109
2025-2026 mövsümündə UEFA Çempionlar Liqasına 82, Avropa Liqasına 45, Konfrans Liqasına 109 komanda buraxılıb. Klub turnirlərində Azərbaycanı 4 komanda təmsil edəcək: “Qarabağ” Çempionlar Liqasında, “Sabah” Avropa Liqasında, “Zirə” və “Araz-Naxçıvan” Konfrans Liqasında yer alır.
Çempionlar Liqasına ikinci mərhələdən (22-30 iyul) başlayan “Qarabağ” ya İrlandiyadan “Şelburn”, ya da Şimali İrlandiyadan “Linfild”lə üz-üzə gələcək.
Avropa Liqasının birinci mərhələsində (10-17 iyul) start götürən “Sabah”a “Selye” (Sloveniya) qismət olub.
Konfrans Liqasının ikinci mərhələsinə (24-31 iyul) salınan “Zirə” Xorvatiya “Hayduk”u, “Araz-Naxçıvan” Yunanıstan “Aris”i ilə qarşılaşacaq.
Çempionlar Liqasının birinci mərhələsində ələnənlər Konfrans Liqasına, sonrakı mərhələlərində ələnənlər Avropa Liqasına, Avropa Liqasının təsnifat raundlarında ələnənlər Konfrans Liqasına köçür. Hər üç turnirin liqa mərhələsində 36 komandanın iştirakı nəzərdə tutulur, 9-24-cü yerləri tutanlar 1/16 finala, ilk 8 pilləni tutanlar 1/8 finala çıxır.
