Kubokda final
Futbol üzrə Azərbaycan kubokunun 2024-2025 mövsümündə qalib müəyyənləşib. Mayın 31-də keçirilmiş finalda “Sabah” “Qarabağ”ı yenərək (3:2) ilk titulunu əldə edib. Beləliklə, 2025-2026 mövsümündə UEFA-nın klub turnirlərinə Azərbaycanın 4 komandası buraxılır. “Qarabağ” Çempionlar Liqasında, “Sabah” Avropa Liqasında, “Zirə” və “Araz-Naxçıvan” Konfrans Liqasında yer alır.
1992-ci ildən başlayaraq “Qarabağ” 8, “Neftçi” 6, “Kəpəz” 4, “Bakı” və “Xəzər Lənkəran” 3, “Keşlə” (indiki “Şamaxı”) və “Qəbələ” 2, “İnşaatçı” (Bakı) və “Şəfa” 1 dəfə Azərbaycan kubokunu qazanıb.
