Beşlikdə son nöqtə
İtaliya milli futbol çempionatında 2024-2025 mövsümünün qalibi son turun açılış günü – mayın 23-də müəyyənləşib: “Napoli” adını zirvəyə həkk edib. Bu, böyük beşlikdə son nöqtədir: Avropanın dörd aparıcı çempionatında qızıl medalların taleyinə daha əvvəl aydınlıq gəlib: İngiltərədə “Liverpul”, İspaniyada “Barselona”, Almaniyada “Bavariya”, Fransada PSJ turnirə möhür vurub.
Başqa güclü çempionatlara gəlincə, Niderlandda PSV, Portuqaliyada “Sportinq”, Türkiyədə “Qalatasaray”, Çexiyada “Slaviya”, Şotlandiyada “Seltik”, İsveçrədə “Bazel”, Yunanıstanda “Olimpiakos”, Ukraynada “Dinamo”, Serbiyada “Srvena Zvezda” birinci olub.
