“Avroviziya”: qalib, qaliblər
“Avroviziya 2025” beynəlxalq mahnı müsabiqəsini Avstriya təmsilçisi Yohannes Pitç udub. İsveçrənin Bazel şəhərinin ev sahibliyi etdiyi yarışın finalı mayın 17-də keçirilib.
İctimai teleradioları cəmləyən Avropa Yayım Birliyinin layihəsi olan “Avroviziya” müsabiqəsində 1956-cı ildən başlayaraq İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Avstriya, Norveç və Ukrayna 3, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
Azərbaycan 17 yarışa qatılıb, 2008 və 2019-cu illərdə 8-ci yeri, 2009-cu ildə 3-cü yeri, 2010-cu ildə 5-ci yeri, 2011-ci ildə 1-ci yeri, 2012-ci ildə 4-cü yeri, 2013-cü ildə 2-ci yeri, 2014-cü ildə 22-ci yeri, 2015-ci ildə 12-ci yeri, 2016-cı ildə 17-ci yeri, 2017-ci ildə 14-cü yeri, 2021-ci ildə 20-ci yeri, 2022-ci ildə 16-cı yeri tutub, 2018, 2023, 2024 və 2025-ci illərdə yarımfinalda ələnib.
