Orta maaş nə qədər artıb?
2025-ci il aprelin 1-nə Azərbaycan iqtisadiyyatında 1 milyon 774,9 min nəfər muzdlu işçi qeydə alınıb. Hesabatı yayan Dövlət Statistika Komitəsi bildirir ki, yanvar-mart aylarında onların orta aylıq nominal əməkhaqqı 2024-cü ilin ilk rübünə nisbətən 10 faiz artaraq 1083,8 manata çatıb.
Ölkədə minimum aylıq əməkhaqqı 400 manatdır.
Azərbaycanda pensiyalar hər il yanvarın 1-də orta aylıq maaşın illik artım tempinə uyğun indeksləşdirilir.
Əmək pensiyasının minimum məbləği 320 manatdır.
Kişilər 65, qadınlar 64 yaşda pensiyaya çıxır. 2026-cı il iyulun 1-dən qadınların da pensiya yaşı 65-ə qalxacaq.
