Həmin kurs
Azərbaycan Mərkəzi Bankı mayın 7-də ABŞ dollarının məzənnəsini 1,7 manatda saxlayıb, sabitliyin 7 il 2 ayı tamamlanıb.
2015-2017-ci illərdə rəsmi kursu 0,7844 manatdan 1,7001 manata yüksələn dollar 2018-ci il martın 7-dən banklara 1,7 manata təklif olunur.
Manat valyuta hərraclarında qorunur. Dövlət Neft Fondu Mərkəzi Bankın 2025-ci ilin ilk rübündə keçirdiyi valyuta hərraclarında 2 milyard 420,6 milyon ABŞ dolları məbləğində vəsait satıb.
Analoji həcm 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard, 2023-cü ildə 2,7 milyard, 2024-cü ildə 7,1 milyard dollar göstərilib.
Mayın 1-nə Mərkəzi Bankın 11 milyard 62,5 milyon dollar valyuta ehtiyatı, aprelin 1-nə Dövlət Neft Fondunun 62 milyard 740,2 milyon dollar aktivi rəsmiləşib.
