Ermənistanın istehlak bazarı
Apreldə Ermənistanın istehlak bazarı 2024-cü ilin eyni ayına nəzərən 3,2 faiz bahalaşıb. Statistika Komitəsi ərzaq və spirtsiz içkilərdə qiymət artımını 5,2 faiz, spirtli içkilər və tütün məmulatlarında 6,1 faiz, kommunal xidmətlərdə 0,9 faiz göstərir.
Hesabata görə, təhsil sahəsində qiymətlər 7,8 faiz, nəqliyyat xidmətlərində 4,2 faiz, səhiyyə sektorunda 3,3 faiz, istirahət və mədəniyyət xidmətlərində 1,6 faiz, ictimai iaşə və mehmanxana xidmətlərində 1,5 faiz yüksəlib, geyim və ayaqqabılar 2,4 faiz, məişət avadanlıqları 1,3 faiz, rabitə xidmətləri 0,7 faiz ucuzlaşıb.
