Yığmalar arasında
FİFA milli futbol komandalarının aprelin 3-nə olan reytinqini açıqlayıb. Azərbaycan yığması 210 milli arasında 119-cu pillədə göstərilir.
İlk beşlikdə Argentina, İspaniya, Fransa, İngiltərə və Braziliya qərar tutur.
İran 18-ci, Türkiyə 27-ci, Rusiya 35-ci, Gürcüstan 68-ci, Ermənistan 102-ci yerdədir.
FİFA reytinqi oyunların əhəmiyyəti, rəqiblərin oyuna qədər olan mövqeyi nəzərə alınmaqla əldə edilən nəticələr əsasında tərtib edilir.
Beynəlxalq turnirlərə 1994-cü ildən qatılan Azərbaycan yığması dörd Avropa çempionatının seçmə mərhələsini qrupda sonuncu, dördünü sondan əvvəlki, dörd dünya çempionatının seçmə mərhələsini qrupda sonuncu, ikisini sondan əvvəlki, birini axırdan üçüncü pillədə bitirib, bir dəfə UEFA Millətlər Liqasının D liqasında qrup ikincisi olub, C liqasında bir dəfə üçüncü, bir dəfə ikinci, bir dəfə dördüncü pillədə yer alıb.
