Türkiyənin inflyasiya göstəriciləri
Martda Türkiyədə istehlak qiymətləri 2024-cü ilin eyni ayına nəzərən 38,1 faiz artıb. Hesabatı yayan Statistika Qurumu bildirir ki, 143 əsas mal, məhsul və xidmətin 113-də bahalaşma, 25-də ucuzlaşma qeydə alınıb, 5-də qiymət dəyişməyib.
Ərzaq və spirtsiz içkilərdə bahalaşma 37,12 faiz, spirtli içkilər və tütün məmulatlarında 46,74 faiz, mehmanxana və ictimai iaşə xidmətlərində 43,48 faiz, səhiyyə xidmətlərində 42,01 faiz, təhsil sahəsində 80,42 faiz göstərilir.
Azərbaycan Mərkəzi Bankı aprelin 3-də 100 Türkiyə lirəsini 4 manat 48 qəpiyə satır.
2021-2024-cü illərdə 100 lirənin rəsmi kursu 22 manat 91 qəpikdən 4 manat 85 qəpiyə düşüb, 2025-ci il 4 manat 81 qəpiklə başlayıb.
1 ABŞ dollarının rəsmi qiyməti 40 lirəyə yaxındır.
