Qonşuluqda qiymətlər
Martda Ermənistanın istehlak bazarı 2024-cü ilin eyni ayına nəzərən 3,3 faiz bahalaşıb. Statistika Komitəsinin hesabatına görə, təhsil sahəsində qiymətlər 7,8 faiz, ərzaq və spirtsiz içkilərdə 5,4 faiz, spirtli içkilər və tütün məmulatlarında 5,1 faiz, nəqliyyat xidmətlərində 3,7 faiz, səhiyyə sektorunda 3,5 faiz, kommunal xidmətlərdə 1,4 faiz, ictimai iaşə və mehmanxana xidmətlərində 1,1 faiz, rabitə xidmətlərində 0,2 faiz artıb, geyim və ayaqqabılar 3 faiz, məişət avadanlıqları 1,5 faiz ucuzlaşıb.
Gürcüstanın Milli Statistika Xidməti bildirir ki, martda ölkənin istehlak bazarında qiymətlər 2024-cü ilin eyni ayı ilə müqayisədə 3,5 faiz artıb. Səhiyyə xidmətlərində bahalaşma 8,8 faiz, ərzaq və spirtsiz içkilərdə, eləcə də mehmanxana və ictimai iaşə xidmətlərində 6,6 faiz, təhsil sahəsində 4,9 faiz, spirtli içkilər və tütün məmulatlarında 4,2 faiz, kommunal xidmətlərdə 1,1 faiz göstərilir.
Hesabata görə, rabitə xidmətləri 12,4 faiz, nəqliyyat xidmətləri 0,4 faiz ucuzlaşıb.
