Sona doğru
UEFA Millətlər Liqasının 2024-2025 mövsümündə yarımfinal cütlükləri bəlli olub: İspaniya – Fransa, Almaniya – Portuqaliya. Yarımfinal matçları 4-5 iyunda, final 8 iyunda oynanacaq.
Qrup mərhələsi 2024-cü ilin sentyabr-noyabr aylarında, A liqası üzrə 1/4 final, A və B liqaları üzrə düşmə/yüksəlmə, B və C liqaları üzrə düşmə/yüksəlmə oyunları 2025-ci il martın 20-23-də keçirilib, Çexiya, İngiltərə, Norveç, Uels, Türkiyə, Yunanıstan A liqasına, İsveç, Rumıniya, Şimali İrlandiya, Şimali Makedoniya, Kosovo B liqasına, San Marino, Moldova C liqasına çıxıb, Polşa, İsrail, Bosniya, İsveçrə, Macarıstan, Şotlandiya B liqasına, Albaniya, Finlandiya, Qazaxıstan, Monteneqro, İslandiya C liqasına, Azərbaycan, Litva D liqasına enib.
C və D liqaları üzrə düşmə/yüksəlmə matçları (Cəbəllütariq – Latviya, Malta – Lüksemburq) 2026-cı il martın 26-31-nə təyin olunub.
Millətlər Liqasının 2018-2019 mövsümünü Portuqaliya, 2020-2021 mövsümünü Fransa, 2022-2023 mövsümünü İspaniya udub.
