Yaşıl meydanlarda
Avropanın aparıcı milli futbol çempionatları qısa fasiləyə çıxıb. İngiltərə çempionatında “Liverpul” 70, “Arsenal” 58, “Nottingem Forest” 54, “Çelsi” 49, “Mançester Siti” 48, “Nyukasl” və “Brayton” 47 xal toplayıb.
İspaniya çempionatında “Barselona” və “Real” 60, “Atletiko” 56, “Atletik” 52, “Betis” və “Vilyarreal” 44 xal götürüb.
İtaliya çempionatında “İnter” 64, “Napoli” 61, “Atalanta” 58, “Bolonya” 53, “Yuventus” 52, “Latsio” 51 xal yığıb.
Almaniya çempionatında 62 xalla “Bavariya” öndədir. Lideri “Bayer” 56, “Maynts” və “Ayntraxt” (Frankfurt) 45, “Leypsiq” və “Frayburq” 42 xalla izləyir.
Fransa çempionatında PSJ 68, “Marsel” 49, “Monako” və “Nitsa” 47, “Lion” 45, “Lill” 44, “Strasburq” 43 xal əldə edib.
Azərbaycan çempionatının yüksək dəstəsində (premyer liqa) isə üç dövrə arxada qalıb. “Qarabağ” 27 turda 64, “Zirə” 52, “Araz-Naxçıvan” 47, “Turan Tovuz” 43, “Sabah” 35, “Neftçi” 31, “Sumqayıt” və “Şamaxı” 28, “Kəpəz” 23, “Səbail” 18 xal toplayıb.
Dörd dövrəlik turnirdə çempion UEFA Çempionlar Liqasına, gümüş və bürünc mükafatçılar Konfrans Liqasına dəvət alır, sonuncu pilləni tutan premyer liqanı tərk edir.
İki və daha artıq komandanın xalları bərabər olanda bu göstəricilər əsas götürülür: qələbə sayı; top fərqi; top sayı; komandaların öz aralarında keçirdikləri oyunların nəticələri; komandaların öz aralarında keçirdikləri oyunlarda top fərqi (səfər qolu nəzərə alınmır); ən az rəsmi xəbərdarlıq (sarı və qırmızı vərəqələrin sayı).
1992-ci ildən başlayaraq milli çempionatda 8 komanda qızıl medallara sahib çıxıb: “Qarabağ” 11, “Neftçi” 9, “Kəpəz” 3, “Şəmkir”, “Bakı” və “İnter” (indiki “Şamaxı”) 2, “Turan” (Tovuz) və “Xəzər Lənkəran” 1 dəfə çempion olub.
