Makroiqtisadi hesabat
Dövlət Statistika Komitəsinin hesabatına görə, yanvar-fevral aylarında Azərbaycanda kənd təsərrüfatı məhsulu 2024-cü ilin eyni dövrü ilə müqayisədə 2,1 faiz artıb (heyvandarlıq məhsulları istehsalı 1,5 faiz, bitkiçilik məhsulları istehsalı 14 faiz).
Nəqliyyat sektorunda artım yük daşınması üzrə 3,1 faiz, sərnişin daşınması üzrə 4,8 faiz, informasiya və rabitə xidmətlərinin həcmində 9,6 faiz, əhalinin gəlirlərində 6,4 faiz, ictimai iaşə dövriyyəsində 19,4 faiz, əhaliyə göstərilən ödənişli xidmətlərin dəyərində 9,4 faiz göstərilir.
Qeyd olunur ki, iki ayda dövlət büdcəsinə 6 milyard 737,6 milyon manat gəlib, büdcədən 5 milyard 366 milyon manat xərclənib.
Martın 1-nə 5 milyon 30,4 min nəfər məşğul şəxs, 230,3 min nəfər işsiz qeydə alınıb.
Fevralın 1-nə muzdlu işçilərin orta aylıq nominal əməkhaqqı 1062,9 manat göstərilib, öncül iqtisadi fəaliyyət növləri belə sıralanıb:
mədən sənayesi – 3595,6 manat;
maliyyə və sığorta fəaliyyəti – 2767,5 manat;
informasiya və rabitə – 1853,9 manat;
nəqliyyat və anbar təsərrüfatı – 1687,2 manat;
peşə fəaliyyəti, elmi və texniki fəaliyyət – 1645,3 manat;
dövlət idarəetməsi və müdafiə; sosial təminat – 1304,7 manat;
tikinti – 1155,2 manat;
elektrik enerjisi, qaz və buxar istehsalı, bölüşdürülməsi və təchizatı – 1138,6 manat;
daşınmaz əmlakla əlaqədar əməliyyatlar – 1007,6 manat.
Ölkədə minimum aylıq əməkhaqqı 400 manatdır.
