Azərbaycan hansı ölkələrə neft satır?
Dövlət Gömrük Komitəsi bildirir ki, 2025-ci ilin yanvar-fevral aylarında Azərbaycandan 2 milyard 672,8 milyon dollarlıq xam neft və xam neft məhsulu ixrac olunub. İxrac ünvanları belə sıralanır: İtaliya, Almaniya, Çexiya, Xorvatiya, Rumıniya, İrlandiya, Portuqaliya, Böyük Britaniya, İsveçrə, Yunanıstan, Bolqarıstan, Türkiyə.
Rəsmi hesabata görə, iki ayda ölkədə kondensatla birlikdə 4,5 milyon ton neft çıxarılıb.
İxracatçıların OPEK+ koalisiyası Azərbaycan üçün xam neftin gündəlik hasilat normasını 551 min barrel müəyyən edib.
Dövlət büdcəsində bir barrel neft 70 dollardan götürülüb.
