Orta maaş statistikası
2025-ci il fevralın 1-nə Azərbaycan iqtisadiyyatında 1 milyon 757 min nəfər muzdlu işçi olub, onların 879,5 min nəfəri dövlət sektorunda, 877,5 min nəfəri qeyri-dövlət sektorunda çalışıb. Hesabatı yayan Dövlət Statistika Komitəsi bildirir ki, yanvarda muzdlu işçilərin orta aylıq nominal əməkhaqqı 2024-cü ilin ilk ayına nəzərən 12,8 faiz artaraq 1062,9 manata çatıb.
Azərbaycanda pensiyalar hər il yanvarın 1-də orta aylıq maaşın illik artım tempinə uyğun indeksləşdirilir.
Əmək pensiyasının minimum məbləği 320 manatdır.
Ölkədə kişilər 65, qadınlar 64 yaşda pensiyaya çıxır. 2026-cı il iyulun 1-dən qadınların da pensiya yaşı 65-ə qalxacaq.
