Tramp+
ABŞ-ın yeni prezidenti Donald Trampın komandası formalaşır.
Respublikaçılar Partiyasının üzvü olan Donald Tramp 2016-cı ilin prezident seçkisində qalib gələrək 2017-ci il yanvarın 20-dən prezidentliyə başlayıb, 2020-ci ilin prezident seçkisində uduzaraq 2021-ci il yanvarın 20-də postunu tərk edib. 2024-cü ilin prezident seçkisini udan Donald Tramp 2025-ci il yanvarın 20-dən yenə dövlət başçısıdır.
Seçkili vitse-prezident postunu Ceyms Devid Vens tutur, Ağ ev aparatına Syuzan Uayls başçılıq edir.
Marko Rubio dövlət katibi, Piter Heqset müdafiə naziri, Pamela Co Bondi ədliyyə naziri (baş prokuror), Duqlas Burqum daxili işlər naziri, Kristi Noem daxili təhlükəsizlik naziri, Skott Bessent maliyyə naziri, Şon Daffi nəqliyyat naziri, Kristofer Rayt energetika naziri, Bruk Rollins kənd təsərrüfatı naziri, Hovard Lütnik ticarət naziri, Skott Turner tikinti və şəhər inkişafı naziri, Linda Makmen təhsil naziri, Lori Çaves-Deremer əmək naziri, Robert Kennedi səhiyyə və sosial xidmətlər naziri, Duqlas Kollins veteranlarla iş naziri postuna təsdiqlənib.
Con Ratkliff Mərkəzi Kəşfiyyat İdarəsinin direktoru, Tulsi Qabbard Milli Kəşfiyyatın direktoru, Rassel Vout İnzibati-Büdcə İdarəsinin direktoru, Kelli Leffler Kiçik Biznes Administrasiyasının rəhbəri, Ceymison Qrir ticarət nümayəndəsi, Li Zeldin Ətraf Mühitin Mühafizəsi Agentliyinin rəisi təyin olunub.
Eliz Stefanik ABŞ-ın BMT-dəki daimi nümayəndəsi vəzifəsinə namizəddir.
