Baş nazir kürsüsü boşalır
Kanadada baş nazir kürsüsünə kimin oturacağı bəlli olub: Mark Karni. O, martın 9-da hakim Liberal Partiyasının lideri seçilib. 1965-ci il təvəllüdlü Mark Karni iqtisadiyyat doktorudur. Kanada Bankının və İngiltərə Bankının idarəçisi olub.
Ölkədə hökuməti parlamentin aşağı palatası olan İcmalar Palatasında çoxluq qazanan siyasi qüvvə qurur. Liberal Partiyasının 338 nəfərlik İcmalar Palatasında 153 mandatı var.
Baş nazir Castin Tryudo yanvarın 6-da Liberal Partiyasının liderliyindən çəkiləcəyini bəyan edib. Bu, Castin Tryudonun 2015-ci ildən tutduğu baş nazir kürsüsünü təhvil verməsinin yolunu açıb.
