Yanvar hesabatından
Dövlət Statistika Komitəsinin yanvar hesabatına görə, 2024-cü ilin ilk ayı ilə müqayisədə ölkədə kənd təsərrüfatı məhsulu 2,2 faiz artıb (heyvandarlıq məhsulları istehsalı 1,3 faiz, bitkiçilik məhsulları istehsalı 20,8 faiz).
Nəqliyyat sektorunda yük daşınması üzrə yüksəliş 5,5 faiz, sərnişin daşınması üzrə 7,9 faiz göstərilir.
Qeyd olunur ki, informasiya və rabitə xidmətlərinin həcmində 5,8 faiz, əhalinin gəlirlərində nominal ifadədə 6,2 faiz, ictimai iaşə dövriyyəsində real ifadədə 21,2 faiz, ödənişli xidmətlərin dəyərində real ifadədə 8,5 faiz artım rəsmiləşib, dövlət büdcəsinə 4 milyard 51,4 milyon manat daxil olub, büdcədən 2 milyard 339,6 milyon manat xərclənib.
Yanvarın 1-nə muzdlu işçilərin orta aylıq nominal əməkhaqqının 1009,2 manata çatdığı bildirilir.
Ölkədə minimum maaş 400 manatdır.
Bakı Şəhər Statistika İdarəsinin 2024-cü il hesabatına əsasən, 2023-cü illə müqayisədə sənayedə 1 faiz, sərmayə qoyuluşunda 7,3 faiz, pərakəndə ticarət dövriyyəsində 5,3 faiz, iaşə dövriyyəsində real ifadədə 13,8 faiz, ödənişli xidmətlərin dəyərində real ifadədə 9,1 faiz artım qeydə alınıb.
İllik inflyasiya 2,6 faiz (qida məhsulları, içkilər və tütün məmulatları üzrə 1,7 faiz, qeyri-qida məhsulları üzrə 1,8 faiz, ödənişli xidmətlər üzrə 4,6 faiz) göstərilir.
