İlk ayın ticarəti
Azərbaycan 2025-ci ilin yanvarında 128 ölkə ilə ticarət əməliyyatı aparıb, ixrac 3 milyard 38,4 milyon dolları, idxal 2 milyard 52,3 milyon dolları ötüb. Dövlət Gömrük Komitəsi bildirir ki, ixracın 91,9 faizi neft-qaz sektorunun payına düşüb.
Qeyri-neft/qaz sektoru üzrə ixrac 245,7 milyon dollar göstərilir, ilk üçlükdə meyvə-tərəvəz, kimya sənayesi məhsulları, plastmas və ondan hazırlanan məmulatlar yer alır.
Üç əsas idxal məhsulu belə sıralanır: maşın, mexanizm, elektrik aparatları, avadanlıqlar və onların hissələri, yeyinti məhsulları, nəqliyyat vasitələri və onların hissələri.
Hesabata görə, ixracın 3,9 faizi MDB ölkələrinə, 79,2 faizi Avropa İttifaqı ölkələrinə, 16,9 faizi başqa ölkələrə yönəlib, idxalda MDB-nin payı 21,2 faiz, Avropa İttifaqının payı 10,4 faiz, başqa ölkələrin payı 68,4 faiz olub, ticarət dövriyyəsində və ixracda əsas tərəfdaş qismində İtaliya, idxalda əsas tərəfdaş kimi Çin qərar tutub.
Yaxın ölkələrlə ticarət belə rəsmiləşib:
Türkiyə – 308 milyon dollar ixrac, 175,1 milyon dollar idxal
Rusiya – 81,1 milyon dollar ixrac, 330,6 milyon dollar idxal
Gürcüstan – 64,5 milyon dollar ixrac, 8,5 milyon dollar idxal
Ukrayna – 22,7 milyon dollar ixrac, 21,6 milyon dollar idxal
Qazaxıstan – 5,6 milyon dollar ixrac, 18,9 milyon dollar idxal
Belarus – 4,7 milyon dollar ixrac, 28,4 milyon dollar idxal
Türkmənistan – 3 milyon dollar ixrac, 23,3 milyon dollar idxal
Özbəkistan – 2,6 milyon dollar ixrac, 11,9 milyon dollar idxal
Estoniya – 835,3 min dollar ixrac, 351,5 min dollar idxal
İran – 611,4 min dollar ixrac, 55,3 milyon dollar idxal
Litva – 337,7 min dollar ixrac, 1,6 milyon dollar idxal
Moldova – 107,7 min dollar ixrac, 311,7 min dollar idxal
Tacikistan – 93 min dollar ixrac, 43,1 min dollar idxal
Qırğızıstan – 91,8 min dollar ixrac, 731 min dollar idxal
Latviya – 37,1 min dollar ixrac, 920,3 min dollar idxal.
