Pensiyalar 8,1 faiz artır
Fevralın 5-də sərəncam imzalayan prezident İlham Əliyev Əmək və Əhalinin Sosial Müdafiəsi Nazirliyinə əmək pensiyalarını indeksləşdirməyi tapşırıb. Pensiyalar orta aylıq nominal əməkhaqqının illik artım tempinə uyğun artırılır, yenilik yanvarın 1-dən tətbiq olunur.
2024-cü ildə muzdlu işçilərin orta aylıq nominal əməkhaqqı əvvəlki ilə nəzərən 8,1 faiz yüksəlib.
Fevralın 1-dən əmək pensiyasının minimum məbləği 320 manat müəyyən edilir.
Ölkədə kişilər 65, qadınlar 64 yaşda pensiyaya çıxır. 2026-cı il iyulun 1-dən qadınların da pensiya yaşı 65-ə qalxacaq.
