Nazir başqa posta keçdi
Dövlət başçısı İlham Əliyev Muxtar Babayevi ekologiya və təbii sərvətlər naziri vəzifəsindən çıxararaq prezidentin iqlim məsələləri üzrə nümayəndəsi təyin edib. Sərəncamlar fevralın 5-də imzalanıb.
1967-ci il təvəllüdlü Muxtar Babayev Moskva Dövlət Universitetinin fəlsəfə fakültəsində, Azərbaycan Dövlət İqtisad Universitetində, Ümumrusiya Xarici Ticarət Akademiyasında ali təhsil alıb.
Dövlət İqtisadiyyat və Planlaşdırma Komitəsində, Xarici İqtisadi Əlaqələr Nazirliyində, Dövlət Neft Şirkətində müxtəlif postlar tutub, 2010 və 2015-ci illərdə parlamentin deputatı seçilib. 2018-ci il aprelin 23-dən ekologiya və təbii sərvətlər naziri idi.
