Kredit və əmanət hesabatı
Mərkəzi Bankın hesabatına görə, 2025-ci il yanvarın 1-nə Azərbaycanda 27,5 milyard manata yaxın kredit, 14,7 milyard manata yaxın əmanət rəsmiləşib.
Bakıda 21 milyard manatdan çox kredit qeydə alınıb. Başqa bölgələr belə sıralanır: Abşeron-Xızı – 1 milyard 81,1 milyon manat, Gəncə-Daşkəsən – 816,6 milyon manat, Lənkəran-Astara – 651,2 milyon manat, Mərkəzi Aran – 550,8 milyon manat, Şəki-Zaqatala – 532,5 milyon manat, Qazax-Tovuz – 521,8 milyon manat, Qarabağ – 473,3 milyon manat, Quba-Xaçmaz – 465,8 milyon manat, Şirvan-Salyan – 430 milyon manat, Naxçıvan – 426,4 milyon manat, Mil-Muğan – 298,3 milyon manat, Dağlıq Şirvan – 184,7 milyon manat, Şərqi Zəngəzur – 9,5 milyon manat.
Bakıda 12,9 milyard manat əmanət qoyulub. Qalan bölgələrin göstəriciləri belədir: Abşeron-Xızı – 525,9 milyon manat, Gəncə-Daşkəsən – 230,3 milyon manat, Quba-Xaçmaz – 139,2 milyon manat, Mərkəzi Aran – 127,3 milyon manat, Lənkəran-Astara – 126,4 milyon manat, Şəki-Zaqatala – 123,1 milyon manat, Qazax-Tovuz – 112,3 milyon manat, Qarabağ – 88,2 milyon manat, Naxçıvan – 70,9 milyon manat, Şirvan-Salyan – 68,5 milyon manat, Mil-Muğan – 49,9 milyon manat, Dağlıq Şirvan – 44,5 milyon manat, Şərqi Zəngəzur – 433 min manat.
Yanvarın 1-nə ölkə üzrə qaytarılma vaxtı keçmiş kreditlərin məbləği 449,1 milyon manat göstərilib.
Rəsmi statistika 2015-ci ilə 976,3 milyon manat məbləğində problemli kredit qeydə alıb. Həmin ilin devalvasiyaları problemli kreditləri artırıb. 2016-cı ilə 1 milyard 508,5 milyon manat, 2017-ci ilə 1 milyard 472,6 milyon manat, 2018-ci ilə 1 milyard 626,7 milyon manat, 2019-cu ilə 1 milyard 585 milyon manat problemli kredit rəsmiləşib.
2019-cu ildə dövlət fiziki şəxslərə 2012-ci il yanvarın 1-dən bağlanmış kredit müqavilələri üzrə devalvasiya kompensasiyaları verib.
2020-ci ilə ödəniş vaxtı keçmiş kreditlər 1 milyard 273,1 milyon manat, 2021-ci ilə 893,1 milyon manat, 2022-ci ilə 719,4 milyon manat, 2023-cü ilə 593,7 milyon manat, 2024-cü ilə 437,8 milyon manat olub.
