Yarımfinal heyətləri
“Avroviziya 2025” beynəlxalq mahnı müsabiqəsinin yarımfinal heyətləri açıqlanıb. Albaniya, Azərbaycan, Belçika, Estoniya, Xorvatiya, İslandiya, İsveç, Kipr, Niderland, Norveç, Polşa, Portuqaliya, San Marino, Sloveniya, Ukrayna birinci yarımfinala, Avstraliya, Avstriya, Çexiya, Danimarka, Ermənistan, Finlandiya, Gürcüstan, İrlandiya, İsrail, Latviya, Litva, Lüksemburq, Malta, Monteneqro, Serbiya, Yunanıstan ikinci yarımfinala düşüb.
Hər yarımfinaldan finala 10 vəsiqə var. Almaniya, Böyük Britaniya, Fransa, İspaniya, İsveçrə və İtaliya yarımfinaldan azaddır.
İsveçrənin Bazel şəhərinin ev sahibliyi edəcəyi yarışda birinci yarımfinal mayın 13-nə, ikinci yarımfinal mayın 15-nə, final mayın 17-nə təyin olunub.
İctimai teleradioları cəmləyən Avropa Yayım Birliyinin 1956-cı ildən keçirdiyi “Avroviziya” müsabiqəsində İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Norveç və Ukrayna 3, Avstriya, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
Azərbaycan 2008-ci ildən başlayaraq 16 yarışa qatılıb, üç dəfə yarımfinalda ələnib.
