Bolqarıstanda yeni hökumət
Yanvarın 16-sı Bolqarıstanda yeni hökumət qurulub, baş nazir kürsüsünə GERB Partiyasının təmsilçisi Rosen Jelyazkov oturub. Onun kabinetinə baş nazirin 3 müavini və 19 nazir daxildir.
Parlament respublikası olan Bolqarıstanda hökumət 240 deputatdan ibarət qanunverici orqanda azı 121 səslə formalaşır. Yeni hökumət üç siyasi qüvvənin – GERB Partiyası və Demokratik Qüvvələr İttifaqı koalisiyası, Sosialist Partiyası, Belə Xalq Var Partiyasının razılaşması ilə ərsəyə gəlib, 125 deputatın dəstəyini alıb.
Ölkədə son parlament seçkisi 2024-cü il oktyabrın 27-də keçirilib.
Mənbə: Bnr.bg
