2025-2026 mövsümünün ilkin sxemi
UEFA-nın klub turnirlərində 2025-2026 mövsümünün ilkin sxemi açıqlanıb. Reqlamentə görə, turnirlərə 55 UEFA üzvünün 243 komandası (Çempionlar Liqasına 84, Avropa Liqasına 46, Konfrans Liqasına 113) buraxılır.
Çempionlar Liqasının birinci mərhələsində ələnənlər Konfrans Liqasına, sonrakı mərhələlərində ələnənlər Avropa Liqasına, Avropa Liqasının təsnifat raundlarında ələnənlər Konfrans Liqasına köçür. Hər üç turnirin liqa mərhələsində 36 komandanın iştirakı nəzərdə tutulur, 9-24-cü yerləri tutanlar 1/16 finala, ilk 8 pilləni tutanlar 1/8 finala çıxır.
Azərbaycan çempionu Çempionlar Liqasına birinci mərhələdən, kubokun sahibi Avropa Liqasına birinci mərhələdən, gümüş və bürünc mükafatçılar Konfrans Liqasına ikinci mərhələdən başlayır.
Turnirlər 2025-ci ilin iyulunda start götürür. Avropa Liqasının finalı 2026-cı il mayın 20-nə (İstanbul), Konfrans Liqasının finalı mayın 27-nə (Leypsiq), Çempionlar Liqasının finalı mayın 30-na (Budapeşt) təyin olunub.
Mənbə: Kassiesa.net
