Xorvatiya prezidenti kürsüdə qaldı
Xorvatiyada prezident seçkisi başa çatıb. Yanvarın 12-də keçirilmiş ikinci turda dövlət başçısı Zoran Milanoviç 74,7 faizə yaxın səslə qalib gəlib.
İlk turda – 2024-cü dekabrın 29-da 8 nəfər mübarizə aparmış, Zoran Milanoviçlə hakim Xorvat Demokratik Birliyinin namizədi Draqan Primorats önə çıxmışdılar.
1966-cı il təvəllüdlü Zoran Milanoviç hüquqşünasdır. Məhkəmə sistemində, Xarici İşlər Nazirliyində xidmət edib, Sosial Demokrat Partiyasının sədri, parlament üzvü olub, 2011-2016-cı illərdə baş nazir kürsüsünü tutub, 2020-ci ildən prezidentdir.
Xorvatiyada hökumət parlament seçkisinin nəticələri əsasında qurulur. Hazırda Xorvat Demokratik Birliyinin təmsilçisi Andrey Plenkoviç baş nazirdir.
