Valyuta hərracları, dəyişməz kurs
Rəsmi statistikaya görə, Dövlət Neft Fondu Mərkəzi Bankın 2024-cü ildə keçirdiyi valyuta hərraclarında 7,1 milyard ABŞ dolları məbləğində vəsait satıb. Analoji həcm 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard, 2023-cü ildə 2,7 milyard dollar göstərilib.
Mərkəzi Bank yanvarın 7-də ABŞ dollarının kursunu 1,7 manat həddində saxlayıb, bununla qiymət sabitliyinin 6 il 10 ayı tamamlanıb.
2015-ci ilin devalvasiyalarında dolların rəsmi məzənnəsi 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb. 2017-ci ilin fevralında maksimal kurs qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
